Project Managers

Oʻzbekiston Respublikasi Yoshlar Ishlari Agentlig / June 1, 2020

Oʻzbekiston Respublikasi Yoshlar Ishlari Agentligi uchun yaratilgan sayt agentlik faoliyatiga toʻla moslashtirilgan. Zamonaviy standartlar va branding asosida yaratilgan qulay veb ilovada yoshlar va Ittifoq oʻrtasidagi oʻzaro hamkorlikni yoʻlga qoʻyiladi. Sayt imtiyozlar, foydali resurslar va murojaatlar boʻlimlaridan iborat. Futerda elektron boshqaruv boʻlimlari koʻrsatib oʻtilgan.

Loyiha Oʻzbekiston Yoshlar ittifoqi / May 1, 2020

Loyiha Oʻzbekiston Yoshlar ittifoqi Project Managers bilan hamkorlikda Ikkinchi jahon urushining 75 yilligi sharafiga ishga tushdi. Ushbu loyiha Oʻzbekistondagi mavjud davlat saytlari yaratish standartlariga toʻliq javob beradi. Sayt Oʻzbekistonning Ikkinchi jahon urushiga qoʻshgan hissasi – tarixiy maʼlumotlar jamlangan oʻziga xos ensiklopediya vazifasini oʻtaydi. Buning uchun saytda xotira kitobi mavjud, bundan tashqari istalgan kishi saytga mazkur davrga oid real voqea-hodisani kiritishi mumkinligi rasmiy manbalar kiritilmagan zarur maʼlumotlarni yigʻish imkonini beradi.

O‘zbekiston Respublikasi Uy-joy kommunal xizmat ko’rsatish Vazirligi / Aug. 1, 2020

Sayt Oʻzbekiston Respublikasi Uy-joy kommunal xizmat koʻrsatish vazirligi uchun boshqarma faoliyatini elektron tartibga solish, hujjatlar va boshqa huquqiy, maʼmuriy, hamda isteʼmolchi munosabatlari nazoratini vazirlik doirasida takomillashtirish maqsadida yaratilgan. Zarur maʼlumot va axborotlar minimallashtirilgan boʻlimlarga joylangan. Sayt veb ilovalarni yaratish tartiblari keltirilgan Vazirlar Mahkamasining 355-sonli qaroriga toʻlaqonli javob beradi.

Firuz Allaev / March 1, 2020

“Asaxiy” onlayn do‘koni uchun qayta brendlash asosida ishlab chiqilgan sayt dizayni onlayn bozor uchun xizmat ko‘rsatish yo‘lida o‘ziga xos tajriba vazifasini o‘tadi. Zamonaviy rebrending talablariga to‘laqonli javob beruvchi mazkur dizayn onlayn-marketing uchun qulaylik yaratadi.

Project Managers / Feb. 1, 2020

“iMaktab” qanday loyiha? Oʻqitish tizimini nazorat qilishga moʻljallangan iMaktab oʻquvchilar davomati, oʻzlashtirishi, intizomi, shuningdek, sinf jurnali, kundaliklar va boshqa hujjatlarni tartibga solib yagona onlayn tizimga birlashtiradi. Oʻqitish jarayonini bir joydan turib boshqarish imkoniyati samarali taʼlim jarayoni va shubhasiz, oʻquvchilar oʻzlashtirishini sezilarli yaxshilaydi. Ixcham dasturlash hajmiga ega loyiha foydalanish uchun juda qulay.

Oʻzsuvta’minot Aksiyadorlik Jamiyati / July 1, 2020

“SuvniAsra” navbatdagi ERM loyihalarimizdan biri boʻlib, tizim butun Respublika hududidagi mavjud suv muomalasini tartibga solishga moʻljallangan. Platforma isteʼmolchilarni Oʻzsuvta’minot Aksiyadorlik Jamiyati bilan bevosita bogʻlaydi. Bunda suv taʼminotidan tashqari jamoat transport, koʻpqavatli uylar, qurilish maydonlari, elektr taʼminoti kabilarning geografik joylashuvini kuzatish imkoniyati yaratilgan. Sodda va ixchamlashtirilgan mazkur loyiha suv taʼminoti va uni maqsadli tejab sarflash yoʻlida ishonchli koʻmakchi boʻladi.

Project Managers / May 1, 2020

“Birga yengamiz” o’zi nima? Mazkur ilova yurtimizda Covid-19’ga qarshi kurash yoʻlida tashlangan ilk qadamlardan biri boʻldi, desak adashmaymiz. Loyiha ilovasi bemor bilan oxirgi 14 kun ichida yaqin masofada va muayyan vaqt aloqada boʻlgan shaxslarni aniqlaydi va zarur hollarda ularni karantin yoki oʻzini yakkalash tartibini joriy etishga koʻmaklashadi. Ilova Android va iOS platformalari uchun moʻljallangan.

O‘zbekiston Respublikasi Jismoniy Tarbiya va Sport Vazirligi / Oct. 1, 2020

Vazifa: Oʻzbekiston Respublikasi jismoniy tarbiya va sport vazirligi uchun axborotlarni tezkor chop etish va vazirlik faoliyatini elektron tartibga solishga qaratilgan saytni yaratish. Sayt bilan birga, qulay interfeysli mobil dastur ham ishlab chiqilgan boʻlib, u barcha zamonaviy komponentlar bilan boyitilgan. Loyiha qulay boshqaruv paneli va tez ishlashi bilan ajralib turadi.

Project Managers / Jan. 1, 2020

Co-Learning Center Oʻzbekistondagi zamonaviy kasblarni oʻrgatuvchi ilgʻor taʼlim markazi boʻlib, yiliga 500 dan ortiq IT mutaxassislarini tayyorlashni rejalashtirgan. Markaz turli bilim darajasidagi yoshlarni qabul qiladi, stajorlik koʻrinishida tajriba orttirishiga imkon yaratib beradi va yakunda Top IT kompaniyaga oʻtish imkonini yaratadi. Axborot texnologiyalari sohasida malakali mutaxassislarga boʻlgan yuqori talabni inobatga olgan holda, Markaz turli bilim darajasidagi, koʻnikma va qiziqishga ega boʻlgan dasturchi-kadrlar yetishtirishga moʻljallangan. Kurslar davomida oʻquvchilarga chet tillari, IT madaniyat hamda networking qoidalari bilan tanishtirilib oʻtiladi. Bu esa oʻz navbatida, boʻlajak kadrning dunyoqarashi hamda jamiyatda oʻz oʻrnini va maqsadini aniqlab olishga katta yordam beradi.

Project Managers / April 1, 2020

Ushbu loyihamiz orqali COVID-19 test natijalarini tez va oson koʻrish mumkin. Sayt oddiy va tushunarli boʻlib, yagona maqsad uchun yaratilgan: ortiqcha detallarga chalgʻimagan holda, tahlil javoblarini masofadan koʻrish imkonini beradi.

Project Managers / April 1, 2020

Co-Learning Academy Co-Learning Center tarkibida tashkil etilgan oʻquv platformasi boʻlib IT va chet tillariga oid video-darslarini bepul tarzda taqdim etadi. Barcha darajadagi oʻquvchilar uchun moʻljallangan Academy darslari oʻzbek tilida ham nazariy, ham amaliy bilimlarni berib boradi. Co-Learning Academy ayni kunlarda 100 ga yaqin soha vakillari hamda koʻngillilarni oʻz atrofida jamlagan. Oʻquv platformasi darslarining birinchi fasli allaqachon taqdim etilgan. Ushbu kursni bitirib siz junior dizayner yoki bazaviy bilimga ega dasturchi darajasidagi mutaxassis boʻlib chiqa olasiz. Shu bilan birga eng katta loyihalar ustida ham mustaqil ishlashingiz mumkin boʻladi. Kurs toʻliq amaliyot orqali oʻtilgani bois sizning portfolioingiz ham rivojlanib boradi.

Project Managers / March 1, 2020

IT Jobs axborot texnologiyalari sohasida faoliyat yurituvchi barcha mutaxassislarga moʻljallangan platforma. Loyiha ofis hamda masofaviy daromad manbayini tez va oson topib berishga moʻljallangan. IT Jobs sohaga doir vakansiyalarni uzluksiz va samarali taqdim etadi. Bundan tashqari, siz ish topish istagida oʻz nomzodingizni CV/rezyume koʻrinishida platformamizga joylab borishingiz mumkin. Bizda barcha xizmatlar bepul. Kunlik vakansiyalar oqimi va doimiy yangilanib borayotgan eʼlonlar qoʻlingizga koʻplab imkoniyatlar kalitini tutqazadi. Endi siz IT sohasiga doir istalgan frilans yoki ofis turidagi daromad manbayini osongina topishingiz mumkin. “IT Jobs” deb nomlanuvchi mazkur loyihaning ustunligi, maʼlumotlar toʻliq hamda tartibli berilishi bilan barcha savollaringizga javob topishida.

Project Managers / April 1, 2020

Mazkur loyiha COVID-19ʼning yanada shaffof koʻrsatkichini davlat statistikasi bilan parralel ravishda aniqlovchi platforma hisoblanadi. Ushbu saytga istalgan shaxs koronavirus infeksiyasi natijasida vafot etgan qarindoshlari, qo‘ni-qo‘shnisi, hamkasb yoki boshqa tanishlari haqida maʼlumot yuborishi mumkin. Moderatorlar maʼlumotlarni qisqa tekshiruvdan o‘tkazadi va ular keyinchalik saytga joylanadi. Maʼlumot qancha ishonchli va batafsil boʻlsa, tekshiruv ham shuncha oson kechadi.

Project Managers / April 1, 2020

ProSuit – bu davlat xizmatchilari uchun mo‘ljallangan bo‘lib, har bir xizmatchining psixologik portretini shakllantiruvchi sun’iy intellektga ega test tizimdir. Test tizimi; Yangi qonunlarni o‘rganish salohiyatini baholash; Davlat xizmatchisining psixologik passportini shakllantirish; Masofaviy ta’lim platformasi.

Project Managers / March 1, 2020

Matn.uz – oʻzbek tilidagi imloviy muammolar, hamda kirill-lotin transliteratsiyasini bexato, qulay va bepul amalga oshirishga moʻljallangan loyiha. Loyiha ilovasi hamda sayti oʻziga xos interfeysga ega, ilovadan foydalanish jarayonida ortiqcha maʼlumot talab qilinmaydi. Savodxonlikni koʻtarishda koʻmak beruvchi sifatli onlayn muharrir.